Bu savolga javobni bermasdan oldin hayolingizga qay so’z keldi Zaxiriddin Muhammad Bobur hazratlarining tavallud kunimi  yoki Sevishganlar kunimi? Balkim hozirning o’zida javobingizni unutgandirsiz, balkim atrofinggizdagilardan uyalib javobingizni aytmayotgan yohud uni o’zgartirgandirsiz. Keling shu yerda holis va ochiqchasiga rost gapni ayting! Men hayolingizga birinchi bo’lib Shox va shoir, buyuk sulola davomchisi va yangi sulola asoschisining tavallud kuni kelganini istardim. Zero biz o’zbek yoshlari ajdodlarimizning jahon tan olgan hamda biz uchun qilgan ishlarini unutmaganligimizning bir isboti ularni yod etishdir. Butun dunyo bu buyuk ajdodimizni tan olgan bo’lsada bu kun ular mutlaqo boshqa bayramni nishonlashadi bu – SEVISHGANLAR KUNI. Shu o’rinda haqli bir savol tug’iladi, biz ham sevishganlar kunini nishonlashimiz kerakmi? Balkim, nishonlashimiz kerakdir, biroq hazrati Zahiriddin Muhammad Borburning tavalludini nishinlashimiz shart. Sevishganlar bayrami biz uchun yangi bayramlardandir. Biroq bobokalonimiz biz uchun yangilik emas-ku, ular kichik bir odam ham emas, ular ma’lum bir kasb egalarigagina tegishli shaxs ham emas, nega endi ularning tavalludi sevishganlar kunidan ustun kela olmaydi? Balkim sevgi tuyg’usi insonning har qanday boshqa tuyg’ularidan ustun, inson sevgisi oldida go’yo bir qulday, sevgi bu ilohiy ne’mat dersiz? Ha, bu fikrlaringiz to’g’ri. Biroq shuni ham unutmaslik kerakki, Vatan tuyg’usi sevgi tuyg’usidan kam emas, Bobur o’zga yurtda shox bo’lguncha o’z yurtida qul bo’lishni abzal ko’rgan, Vatan sog’inchi ham ilohiy ne’matlardandir. Nahotki shunday hislatlarga ega ajdodimizni yod etish va ularning ishlarini madh etish biz uchun malol kelsa. Agar chindan ham siz uchun bu malol kelsa, demak siz xudbin ekansiz. Chunki siz faqat o’zingizni o’ylar ekansiz, bunday davom etsa bora – bora ertangi avlodlaringiz sizni ham eslashmasligi tabiiy bir holday bo’lishi muqarrar. Albatta eslashmaydi, siz shunday bir buyuk ajdodingizni yod etmaysiz-ku, sizni qanday eslashsin. Shu o’rinda yana bir mulohazali va haq so’z paydo bo’ladi. Insonning umri yoshi bilan emas, uning qilgan ishlari bilan o’lchanadi. Har kim ham shunday buyuk ishlar qila olmaydi. Hozir siz o’sha tarixiy personaj Valentinni yod etgandirsiz, u ham jasorat ko’rsatgan – ku dersiz. Keling endi shu ikki bayramlardan qay biri biz uchun birinchi darajali ekanligini bilish uchun ularni tarozining ikki pallasiga solib ko’raylik:

Birinchidan- Boburning tavaludi aniq va fakt, Valentin esa rivoyat. Ikkinchidan - bu kun Bobur tug’ilgan, Valentin o’lgan. Uchinchidan – Bobur yurt uchun yashagan, yurt uchun jasorat ko’rsatgan, Valentin faqat o’zi va sevgilisi uchun. To’rtinchidan – Bobur bizning ajdodimiz, Valentinchi? Beshinchidan – Boburning bayrami biz uchun hech qanday yod illatlarni olib kirmaydi, Valentinda g’arbona ibosiz, hayosizlik illatlari kirib kelmoqda.

Men sizning fikringizni zo’rlik bilan o’zgartira olmayman, biroq mening maqsadim milliylikdan chalg’imaslik, o’zlikni va ajdodlarimiz oldidagi qarzlarimizni unutmaslikni eslatib o’tish.

Hulosa o’zingizdan!